நிழற்ப்பட நினைவுகள்

நிழற்ப்பட நினைவுகள்

முழுகாத Ship,

Friendship என்றாலும் 

நண்பர்கள் மூழ்குகிறார்கள்... ....நினைவுகளில் 

புதுக்கண்ணாடி வாங்கியதும் 

முகத்தை பார்ப்பது போன்று 

ஒவ்வொருவரும் தன் பழைய முகத்தை 

ஆசையாய் பார்த்துக் கொள்கிறார்கள் 

சந்தித்து கொள்ள முடியாத பலரும் 

சந்தித்து கொள்ள விரும்பாத சிலரும்
இங்கே வந்து பேசிக்கொள்கிறார்கள்
மௌனமாய்..........

அவன் வைத்துக்கொண்ட அழகு மீசை,கண்ணை பாரு 

அவள் முதன் முதலாய் கட்டிய புடவை ,கலர் சுடிதார் 

என்று நினைவு நாடாக்கள் அவிழ்ந்து கொள்கிறது 

அன்று தோளருகே

இன்று தொடர்பில் இல்லாமல்

'தபு' வுக்காகவும் ,ஏ.ஆர் .ரகுமானுக்காகவும்

'காதல் தேசம்' படம் பார்க்க சென்று

வினித் -அப்பாஸ்,நட்பை பேசிய படி

கைக்கோர்த்து வந்தோம்

படத்தில் தெரிவது உருவங்கள் அல்ல ..உறவுகள் 

இருக்கின்ற முகங்களுக்கிடையே

இல்லாத முகங்களையே 

தேடுகிறது நட்பு கொண்ட மனது

பலர் கலைந்து போன காலத்தை

கடந்து போய் தொடுகிறார்கள் ..

சிலர் தொலைத்துவிட்ட

நட்பையோ,காதலையோ தேடுகிறார்கள் 

படம் பழைய Film என்றாலும் 

நினைவுகள் புதிய Print போட்டுக்கொள்கிறது 

ஒரு நிழற்ப்படத்தை
ஒருவர் பதிவேற்றம்(upload) செய்துவிட 

ஒவ்வொருவரும் பல நூறு நினைவுகளை
பதிவிறக்கம்(download) செய்துக்கொள்கிறார்கள்......... 

பின்னிருக்கையும் பேச்சுத்துணையும் ....

தூக்கி போட்டாலும் 

தூக்கம் கலைத்தாலும்

முன்னிருக்கைகள் காலியான போதும்

பின்னிருக்கையே பிடித்திருக்கின்றது 

பேருந்து பயணத்தின் போது 

முன் பின் தெரியாதவரோடு 

பேச முடியாவிட்டாலும் 

அகத்தோடு அகம் மலர முடியாத போதும்

பின்னந்தலைகளின்

முன்பக்க 

கற்பனை முகங்களிடம் பேசியபடியே 

முடிகிறது பேருந்து பயணம் ..

அங்கே தீபாவளி இங்கே தீராவலி'

யாதும் ஊரே 

யாவரும் கேளிர் 

யாவரும் கேளீர்

யாதும் உயிரே 

ஈழக்குரல் 

      ஈனக்குரல் கேட்கலையோ

அக்கரை இந்தியாவிலே 

      ஆண்டுக்கொரு நாள் தீபாவளி

இக்கரை ஈழத்திலே

      அன்றாடம் தீராவலி

எட்டி பார்த்துக்கொள்வோம் 

   எதிர் வீட்டை ஜன்னல் வழியே

இப்போது எட்டும் தூரம் 

    வீடே இல்லை 

'எலி வளைனாலும் தனி வளை'

 இப்ப எலியாக கூட இல்லை ....

            எலி கூடவே வாழ்க்கை 

நும் இராணுவச் சக்கரத்திற்கு   

   எம் மக்கள் மண்டையோடு 

   எலுமிச்சை காயாச்சு..

இத்தனைக்கும் பின் -எங்கள் உயிர் 

    இரக்கத்தின் மிச்சமா 

    இனவெறியின் எச்சமா

கதறி அழும் குழந்தைக்கு 

கொடுப்பதற்கு பாலில்லை

வெடித்து அழும் வேதனையிருந்தும் 

கண்களில் ஈரமில்லை 

பசிக்கும் வயிருக்கு

பச்ச அரிசியாவது வேணும்

உப்பு மிளகாய் காரத்திற்கு

எங்கள் உதிரமே போதும் .. 

அதுவே என் நாடு

அண்ட அணுவின் வழி 

உயிர் கொடுத்தாள்

அடி வயிற்றில் இடம் கொடுத்தாள் 

தொப்புள் கொடி வழியாக 

உயிர்க்காற்றும்

உண்டியும் கொடுத்தாள்

பிறப்பின் போது துண்டித்தாள்

தொப்புள் கொடி

இருப்பினும்  

அவளே  என்  தாய்  

துரத்தியடிக்கப்பட்டாலும்  

அதுவே  என்  நாடு 

பெண் : பரிணாமமும் பரிமாணமும்

காலத்தின்
உடலுக்கு -எம் குருதி

எம்மின் ஆன்மா
மானுடத்தின் மனசு 

இருளடைந்த பிரபஞ்சத்துக்கு 

எம் பாவை விளக்கெரிக்க...

மனித இனத்தின் தொடர்ச்சிக்கு 

சூல் கொண்ட உயிர்கள் சுமந்து 

பெண்குலத்தின் இடுப் பொடிந்தது

நும் வயிறு குளிர 

அனலில் எரிந்து ,கஞ்சி காய்ச்ச

அடுப்பெரித்தவர்கள்

வைரத்தின் 'வடி'களோடும்

வலிமையோடும் 

வருகிறார்கள் ! திசையின் எப்பக்கத்தில் இருந்தும் !!

                              

மண்ணில் எவரும் அகதிகள் அல்லர்

விலங்கிற்கு  பிறப்பவை

விலங்குகள் 

மனிதர்களுக்கு பிறப்பவர்கள் 

மனிதர்கள் 

மண்ணில் பிறக்கும் எவரும்

மைந்தர்களே 

அகதிகள் அல்லர் 

 .

தமிழர்கள் பார்வைக்கு..

தமிழ் நாடு +அரசு =தமிழ்நாட்டரசு 


இலக்கணம் ;ஒற்று இரட்டித்தல்:
​​

ஒற்​று​மிகுதலோடு சேர்த்து எண்ணத்தக்கது ஒற்று இரட்டித்தல் என்னும் இலக்கண விதியாகும்.​
 சோறு+பானை= சோறுப்பானை என்று எழுதுவதில்லை.​ சோற்றுப்பானை என்கிறோம்.​ ஆறு + வழி = ஆற்றுவழி என்கிறோம்.​ சோறு,​​ ஆறு என்பவற்றுள் ​(ற்+உ=று)​ உள்ள "ற்' மற்றுமொன்று கூடி வருவதால் ஒற்று இரட்டித்தல் என்றுரைக்கிறோம்.​ சோ+ற்+ற்+உ =(சோற்று)

ஒற்று இரட்டித்த பின் வலி ​(வல்லொற்று)​ மிகுந்து சோற்றுப் பானை என்றாகிறது.​ அடையாறு + இல் = அடையாற்றில் என இங்கும் ஒற்று இரட்டித்தல் வேண்டும்.​ அடையாறில் என்று எழுதுவது பிழை.​ ஆற்றில் வெள்ளம் வந்தது என்றுதானே சொல்லுகிறோம்.​ ஆறில் வெள்ளம் வந்தது என்று சொல்வதில்லையே.​ மாடு+சாணம்= மாட்டுச்சாணம் என்கிறோம்.​ வீடு + சோறு= வீட்டுச் சோறு என்கிறோம்.
​ இந்த இலக்கணத்தை மறக்க வேண்டாம்.

தமிழ்நாடு+ அரசு = தமிழ்நாட்டரசு என்றுதான் எழுத வேண்டும்.
​ தமிழ்நாடு அரசுப் போக்குவரத்துக் கழகம் என்பது பிழை.​ தமிழ்நாட்டரசுப் போக்குவரத்துக் கழகம் என்பதே சரியானது.
​ தமிழ்நாட்டுப் பாடநூல் நிறுவனம் என்று பிழையற்ற தமிழில் ஒரு நிறுவனம் குறிக்கப்படும்போது,​​ தமிழ்நாடு அரசு போக்குவரத்துக் கழகம் ஏன் வந்தது?​ தமிழ்நாடு அரசு ஏன் வந்தது?​ தமிழ்நாட்டரசு என்று மாற்றுக.​ கிணறு+தவளை= கிணற்றுத் தவளை. காடு +பாதை = காட்டுப்பாதை என்றெல்லாம் மக்கள் சரியாகச் சொல்லும்போது நாடு+அரசு= நாட்டரசு என்றுதானே எழுத வேண்டும்?

கட்டுப்பாடு+அறை = கட்டுப்பாட்டறை எனச் சொல்க.​ மேம்பாடு + திட்டம் = மேம்பாட்டுத்திட்டம் என்க.​ நம்நாடு + சட்டம் = நம்நாட்டுச் சட்டம் தானே.​ ​​

நன்றி ;தினமணி கதிர் .03/10/2010;. கவிக்கோ ஞானச்செல்வன் 

தென்னாடு என் நாடு

தென்னாடு என் நாடு

வீடு போன்ற நாட்டை இழந்தோம்

நாடு போன்ற வீட்டை இழந்தோம்

மீண்டும் மீண்டும் எழுவோம்

மீண்டு எழுவோம்

..''இனிப்பு இல்லாத ஊருக்கு இலுப்பை பூ தான் சக்கரை''

வணக்கம் ..

தோப்புக்குள் நிழலிருக்கு 

இளைப்பாறலாம் 

இலுப்பை மர மடியில் 

பழைய மரம்

அதே காற்று

சொந்த நிழல்

எனினும் 

அலுக்கவில்லை

அதே வாழ்கை.

அன்று பிறந்த
இன்றும் சுமக்கும் 

உடலும் உணர்ச்சியும் 

மாற்றமில்லை

கண்ணாடிகளை மாற்றினாலும் 

அதே பிம்பம் 


இலுப்பை பழம் தின்ன 
இரவில் வரும் வவ்வால்கள் 
பகலில் வரும் குழந்தைகள்


பசிக்கும்போது தானே 
அவரவர் வருவார்கள்